Cibdol CBD SPF 15 dagkrem

Cibdol CBD SPF 15 dagkrem
Stærð: 50ml
Magn CBD: 100mg
Notkun: Þunnt lag á hreina húð.

 

Cibdol CBD SPF 15 dagkremið sameinar annars vegar fjölmörg algeng innihaldsefni Cibdol húðkremanna og hins vegar SPF 15 sólarvörnina sem takmarkar áhrif útfjólublárrar geislunar á húðina. Í formúlunni er einnig m.a. að finna vandaða blöndu af C og E vítamínum sem eru rík af andoxunarefnum, morgunfrúarolíu og sheasmjöri að ógleymdum fjölþættum áhrifum CBD innihaldsins.

Húðin okkar mætir miklu álagi á degi hverjum og ber m.a. hitann og þungann af UV geislun sólarinnar og hvers kyns loftmengun. Cibdol dagkremið er vel útfærð vörn sem auðveldar húðinni að halda reisn sinni og frískleika.

 

Verkferlar, notkun og geymsla.
Í Cibdol CBD (Cannabidiol) dagkreminu eru 100 mg af CBD sem unnið er af ítrustu fagmennsku úr iðnaðarhampi (Cannabis sativa jurt). Kappkostað er að önnur innihaldsefni séu einnig eins hrein og náttúruleg og frekast er unnt. Allir verkferlar að baki svissnesku Cibdol CBD vörunum eru GMP gæðavottaðir, jafnt í rannsóknarstofum sem framleiðslu. Cibdol CBD SPF 15 dagkremið er gott að bera í þunnu lagi á hreina húð andlits, háls og bringu í upphafi dags. Notist einungis útvortis. Berist ekki í augun. Best er að geyma kremið fjarri mikilli birtu og hita.

www.cibdol.com

 

Innihaldsefni:

Aqua, ethylhexyl stearate, cetearyl alcohol, glyceryl stearate, dibutyl adipate, ethylhexyl methoxycinnamate, glycerin, Diethylamino hydroxybenzoyl hexyl benzoate, tocopheryl acetate, sodium ascorbyl phosphate, sorbitan stearate, polysorbate 60, glycine soja oil, phenoxyethanol, ethylhexyl triazone, bis-ethylhexyloxyphenol methoxyphenyl triazine, laureth-7 citrate, parfum, lauryl glucoside, triethanolamine, polyglyceryl-2 dipolyhydroxystearate, butyrospermum parkii butter, xanthan gum, citric acid, cannabidiol - synthetically produced, tocopherol, simmondsia chinensis seed oil, ethylhexylglycerin, helianthus annuus seed oil, calendula officinalis flower extract.

 

Meira um CBD.

CBD hefur verið mikið í umræðu og fréttum víða um heim að undanförnu vegna fjölbreyttra áhrifa sinna til bættrar heilsu. Víðfeðmar undirbúningsrannsóknir gefa sterkar vísbendingar um ýmis jákvæð áhrif af tengingum CBD kannabínóða (e. cannabinoid) við endókannabínóðakerfið (e. endocannabinoid system (ECS)) sem verið hefur til staðar í lífríkinu og um leið manninum frá örófi alda. CBD er á meðal innihaldsefna í lyfseðilsskyldum tauga- og flogaveikislyfjum og víða í vísindasamfélaginu er viðurkenning á jákvæðum áhrifum CBD á t.d. kvíða, streitu og svefn ásamt því að þekkt virkni er t.d. á bólgur og verki. Langt er í frá að allar CBD vörur séu svipaðar. Þar getur m.a. munað um ólíkar ræktunar- og vinnsluaðferðir og sömuleiðis eru því miður dæmi um að raunverulegt magn af CBD sé minna en upp er gefið. Þess vegna þarf að velja framleiðendur af kostgæfni.

Til baka í vörur