Cibdol CBD fótakrem

Cibdol CBD fótakrem
Stærð: 95ml
Magn CBD: 190mg
Notkun: Þunnt lag á hreina húð.

 

Enda þótt fæturnir séu hörkutól geta þeir orðið þreyttir og úr sér gengnir í orðsins fyllstu merkingu. Þá kunna þeir svo sannarlega að meta nærgætni og umhyggju. Þú getur létt þeim lífið töluvert með Cibdol CBD fótakreminu og þá erum við ekki bara að tala um þurra hæla eða þreytta ökkla heldur almenna líðan frá tám til læra.

Í krafti CBD virkninnar, nærveru morgunfrúarinnar, framlags Aloe Vera, E vítamíns og olíu frá Camphor trénu er Cibdol fótakreminu ætlað að reyna við Grettistak í vellíðan fótanna. Kremið er í senn rakagefandi og endurnærandi. Tilvalið til notkunar hvenær sem tækifæri er til. Best er að nudda litlu magni af kreminu á milli tánna, á ilina, ristina, hælana, ökklana, hásinina og upp með sköflungi, kálfum upp á hné og læri. Svo er um að gera að setja tærnar upp í loft og kasta mæðinni ef tími er til!

 

Verkferlar, notkun og geymsla.

Í Cibdol CBD (Cannabidiol) fótakreminu eru 190 mg af CBD sem unnið er af ítrustu fagmennsku úr iðnaðarhampi (Cannabis sativa jurt). Kappkostað er að önnur innihaldsefni séu einnig eins hrein og náttúruleg og frekast er unnt. Allir verkferlar að baki svissnesku Cibdol CBD vörunum eru GMP gæðavottaðir, jafnt í rannsóknarstofum sem framleiðslu. Cibdol CBD fótakremið er gott að bera í þunnu lagi á hreina húð. Best er að geyma kremið fjarri mikilli birtu og hita.

www.cibdol.com

 

Innihaldsefni:

Aqua; helianthus annuus seed oil; ethylhexyl stearate; glycerin; glyceryl stearate; polysorbate 60; aloe barbadensis leaf juice; cetearyl alcohol; tocopheryl acetate; phenoxyethanol; sorbitan stearate; camphor; farnesol; palmitic acid; stearic acid; glycine soja oil; parfum; xanthan gum; cannabidiol – synthetically produced; tocopherol; ethylhexylglycerin; calendula officinalis flower extract.

 

Meira um CBD.

CBD hefur verið mikið í umræðu og fréttum víða um heim að undanförnu vegna fjölbreyttra áhrifa sinna til bættrar heilsu. Víðfeðmar undirbúningsrannsóknir gefa sterkar vísbendingar um ýmis jákvæð áhrif af tengingum CBD kannabínóða (e. cannabinoid) við endókannabínóðakerfið (e. endocannabinoid system (ECS)) sem verið hefur til staðar í lífríkinu og um leið manninum frá örófi alda. CBD er á meðal innihaldsefna í lyfseðilsskyldum tauga- og flogaveikislyfjum og víða í vísindasamfélaginu er viðurkenning á jákvæðum áhrifum CBD á t.d. kvíða, streitu og svefn ásamt því að þekkt virkni er t.d. á bólgur og verki. Langt er í frá að allar CBD vörur séu svipaðar. Þar getur m.a. munað um ólíkar ræktunar- og vinnsluaðferðir og sömuleiðis eru því miður dæmi um að raunverulegt magn af CBD sé minna en upp er gefið. Þess vegna þarf að velja framleiðendur af kostgæfni.

Til baka í vörur